मलेसियालाई हराउँदै नेपाल एसीसी यु–१६ इस्टर्न च्याम्पियन

काठमाडौं। एसीसी यू–१६ इस्टर्न रिजन क्रिकेटको उपाधि नेपालले जितेको छ । आज भएको फाइनलमा मलेसियालाई ५९ रनले हराउँदै नेपालले उपाधि जितेको हो । थाइल्याण्डको चियाङमाईमा टस जितेर पहिले ब्याटिङ गरेको नेपालले निर्धारित ३५ ओभरमा ९ विकेटको क्षतिमा १४० रन बनाएको थियो ।

नेपालको लागि ओपनर दिपक बोहराले १९ बल खेल्दै २ चौका र १ छक्काको मद्दतमा २३ रन बनाए । प्रशान्त महतले ४०, कप्तान विशाल बिक्रम केसीले १७ र निखिल कुमारले १३ रन बनाए । अन्य ब्याट्सम्यानले भने दोहोरो अंकमा रन बनाउने सकेका थिएनन् ।

१४१ रनको लक्ष्यसहित मैदानमा उत्रिएको मलेसिया ३४.५ ओभरमा ८१ रनको स्कोरमा अलआउट भयो । मलेसियाका लागि हाजिक आइमानले १८, जिनेन्द्र मुरलीले १४ र वान आजमले १६ रन बनाए पनि अन्य ब्याट्सम्यानले दोहोरो अंकमा स्कोर बनाउन सकेनन् । नेपालका लागि विशाल पटेलले ४, दिपक बोहोराले ३ विकेट लिए । निखिल सिंह र क्रिस कार्कीले १–१ विकेट लिए ।

Kantipath News
inkhadka@gmail.com

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

यो छुट्टाउनु भो कि..