अपिनाम्पा संरक्षण क्षेत्र कार्यालयले राजश्व धेरै उठायो

दार्चुला । दार्चुलाको एकमात्रै संरक्षण क्षेत्र, अपिनाम्पा संरक्षण क्षेत्र कार्यालयले बर्सेनि राजश्व सङ्कलनको दर बढाउँदै लगेको छ ।

विगत नौ वर्षको वार्षिक रुपमा संकलित राजश्वको तथ्यांक हेर्दा अपिनाम्पा संरक्षण क्षेत्र कार्यालयको राजश्व बढेको देखिएको हो । सुरुको वर्ष २०६७÷०६८ मा ५ लाख ६१ हजार ९ सय ८० रुपैयाँ राजश्व संकलन भएको कार्यालयमा गत वर्ष २०७४/०७५ सम्म आइपुग्दा २ करोड ४४ लाख १४ हजार ९७ रुपैयाँ राजश्व उठेको छ ।

अपिनाम्पा संरक्षण क्षेत्र घोषणा भएदेखि हरेक वर्ष राजश्व बढिरहेको प्रमुख संरक्षण अधिकृत किशोरकुमार मेहताले जानकारी दिनुभयो । गत आर्थिक वर्षमा सबैभन्दा धेरै राजश्व संकलन भएको कार्यालयले जनाएको छ । कार्यालयमा संकलन भएको राजश्व नेपाल सरकारको सञ्चित कोषमा जम्मा हुने गरेको छ ।

नेपाल सरकारले संकलित राजश्वको ३० देखि ५० प्रतिशत रकम संरक्षण क्षेत्रको विकासका लागि उपलब्ध गराउने कानुनी व्यवस्था रहेको प्रमुख संरक्षण अधिकृत मेहताले बताउनुभयो । अपिनाम्पा संरक्षण क्षेत्र स्थापना भएदेखि नौ वर्षको अवधिमा ९ करोड ८९ लाख ५८ हजार ३ सय ५८ रुपैयाँ राजश्व संकलन भएको छ ।

Kantipath News

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

यो छुट्टाउनु भो कि..