काठमाडौ । राष्ट्रपति विद्यादेवी भण्डारीले गुणस्तरीय शिक्षा आजको आवश्यकता रहेको बताउनुभएको छ ।
बाग्लुङ नगरपालिका–१२ बलेवा, अमलाचौर स्थित पृथ्वी हिरण्य माध्यमिक विद्यालयको नवनिर्मित सुविधा सम्पन्न भवनको हस्तान्तरण समारोहमा राष्ट्रपति भण्डारीले राज्यलाई पछि योगदान दिने विद्यार्थीलाई आज गुणस्तरीय शिक्षा प्रदान गर्नु सरकारको दायित्व भएकामा जोड दिनुभयो ।
अभिभावक र विद्यार्थीबीचको सम्बन्धबाट नै असल शिक्षा आर्जन गर्ने वातावरण मिल्छ, गुणस्तरमैत्री विद्यालय बनाउन सबैले योगदान गर्नुपर्छ , राष्ट्रपति भण्डारीले भन्नुभयो ।
विद्यालयलाई सक्षम बनाउनका लागि स्थानीय स्तरवाटै सकरात्मक भूमिका खेल्नुपर्ने पनि उहाँले बताउनुभयो ।
