अमेरिकामा राष्ट्रिय साइबर संकटकाल घोषणा

काठमाडौँ २ जेठ । अमेरिकामा ठूलो साइबर आक्रमण हुने आशंका गर्दै राष्ट्रपति डोनाल्ड ट्रम्पले कार्यकारी आदेश जारी गरी देशमा राष्ट्रिय साइबर संकटकाल घोषणा गरेका छन् ।

यो संकटकालसँगै अब अमेरिकी कम्पनीहरूले विदेशी टेलिकम कम्पनीले उत्पादन गरेका उपकरण किन्न पाउने छैनन्।

अमेरिकाका कम्प्युटरलाई ह्याकरबाट बचाउन ट्रम्पले उक्त संकटकाल घोषणा गरेका बिबिसीको समाचारमा उल्लेख गरिएको छ।

ह्वाइट हाउसले जारी गरेको विज्ञप्तिमा यो संकटकालले सूचना प्रविधि पूर्वाधार र सेवा क्षेत्रका कमीकमजोरीको फाइदा उठाउने विदेशी प्रतिद्वन्द्वी प्रभावबाट अमेरिकालाई बचाउने भनिएको छ।

विदेशी टेलिकम कम्पनीका पूर्वाधार प्रयोगले राष्ट्रिय सुरक्षामा जोखिम भएको र साइबर आक्रमण खतरा बढेको भन्दै ट्रम्पले संकटकाल घोषणा गरेका हुन्।

ट्रम्पको आदेशमा कुनै देशको नाम उल्लेख नभए पनि विश्लेषकहरूले यो संकटकाल मुख्यरूपमा चीन लक्षित भएको बताइएको छ।

चिनियाँ कम्पनी हुवावेलाई साइबर अपराधमा संलग्न भएको भन्दै अमेरिकाले आफ्ना संघीय निकायहरूलाई हुवावेका उत्पादन प्रयोग गर्न रोक लगाइसकेको छ। हुवावेका उत्पादनमार्फत् चीनले निगरानी गर्नसक्ने आशंका अमेरिकाको छ।

आफूले मात्र होइन, आफ्ना मित्र देशलाई पनि हुवावे उत्पादन प्रयोग नगर्न अमेरिकाले सुझाएको छ। अस्ट्रेलिया र न्युजिल्याण्डले आफ्ना फाइभ जी सञ्जालमा हुवावेका उत्पादन प्रयोग रोकिसकेका छन्।

यता हुवावेले भने अमेरिकाले लगाएका आरोपको प्रतिवाद गर्दै आएको छ।

Kantipath News
inkhadka@gmail.com

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

यो छुट्टाउनु भो कि..