आइपिएल २०१९ : दिल्लीको छैटौ जित, सन्दीपका महत्वपूर्ण तीन विकेट

काठमाडौ। इण्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्ध दिल्ली क्यापिटल्सले छैठौं जित निकालेको छ। गएराती भएको खेलमा दिल्लीले इलेभेन पन्जाबलाई ५ विकेटले हराएको हो।

दिल्लीस्थित फिरोज साह कोट्ला क्रिकेट मैदानमा पन्जाबले दिएको १६४ रनको लक्ष्य दिल्लीले २ बल बाँकी छंदै ५ विकेट गुमाएर पुरा गर्यो। दिल्लीको जितमा शिखर धवन र श्रेयस आयरले अर्धशतक बनाए। धवन ५६ रनमा आउट हुँदा आयरले अविजित ५८ रन बनाए।

टस हारेर पहिले ब्याटिङ गरेको पन्जाबले पुरै २० ओभर खेल्दै ७ विकेट गुमाएर १६३ रन बनाएको थियो। पन्जाबका लागि क्रिस गेलले ६९ रनको अर्धशतकीय पारि खेले। पन्जाबविरुद्ध सन्दीपले ४० रन खर्चेर ३ विकेट लिए।

यस्तै कागीसो राबडा र अक्षर पटेलले समान २—२ विकेट लिए। जितसँगै दिल्ली १२ अंक जोडेको छ। त्यसअघि हिजै भएको अर्को खेलमा राजस्थान रोयल्सले मुम्बई इण्डियन्सलाई ५ विकेटले पराजित गरेको छ।

मुम्बईले दिएको १ सय ६२ रनको लक्ष्य राजस्थानले ५ बल बाँकी छँदै पूरा गर्यो। राजस्थानका लागि कप्तान स्टिभ स्मिथले नटआउट ५९ रन बनाए। जयपुरमा टस हारेर पहिला ब्याटिङमा तानिएको मुम्बईले निर्धा्रित २० ओभरमा ५ विकेट गमुाउँदै १ सय ६१ रन बनाएको थियो। उसका लागि क्विन्टन डिककले ६५ रन बनाएका थिए।

आईपिएलमा आज दिउँसो सवा ४ बजे सनराईजर्स हैदरावाद र कोलकाता नाईट राईडर्स भिड्दा राती सवा ८ बजे रोयल च्यालेन्जर्स बैंग्लोर र चेन्नई सुपर किंग्स वीच प्रतिस्पर्धा हुनेछ।

Kantipath News

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

यो छुट्टाउनु भो कि..