गृह मन्त्रालयले सोमबार नेपाल प्रहरीका ४६ जना इन्सपेक्टरको डीएसपीमा बढुवा सिफारिस निकालेको छ ।
२०७० सालमा प्रहरी निरिक्षकमा नाम निकालेकामध्येबाट भएको बढुवा सूचीमा हालै भएको नक्कली भुटानी शरणार्थी ठगी प्रकरणमा अनुसन्धानमा संलग्न दुईजना इन्सपेक्टर पनि समावेश छन् ।
सिफारिस सूचीमा ६ जना महिला र एक दम्पती पनि छन् । सुरक्षा केसी र रघुसिंह विष्ट श्रीमान्-श्रीमती हुन् । सिफारिसमा परेका अन्य महिला अधिकृतमा चेतना पोखरेल, एलिजा गिरी, लक्ष्मी खनाल, शुभद्रा वाइबा र रुपा थापा छन् । २०७० सालमा एकैलटमा १ सय ४६ जना इन्सपेक्टरमा छनोट भएका थिए । त्यसमा ९ जना महिला थिए ।
