काठमाडौं । पक्राउ परेका व्यक्ति छुटाइदिने भन्दै ९ लाख रुपैयाँ असुलेको आरोपमा २ जना पक्राउ परेका छन् ।
पक्राउ पर्नेमा बूढानीलकण्ठ नगरपालिकाको मण्डिखाटारका ४५ वर्षीय हरिबहादुर थापामगर र ३७ वर्षीय मिठु मगर भनिने अनिता थापामगर रहेका छन् ।
गत भदौ २३ र २४ गतेको प्रदर्शनको क्रममा आपराधिक क्रियाकलापमा संलग्न भएको आरोपमा पुर्पक्षका लागि सुन्धारा कारागारमा थुनामा रहेका प्रतिवादीलाई छुटाइदिने भन्दै रकम लिएको आरोप छ ।
