धनुषाको लालगढबाट एक सशस्त्र प्रहरी निरीक्षक घुससहित पक्राउ परेका छन्। पक्राउ पर्नेमा निरीक्षक ओकिल अधिकारी रहेका छन्।
अख्तियार दुरुपयोग अनुसन्धान आयोगको बर्दिबासस्थित टोलीले आज बिहान उनलाई नियन्त्रणमा लिएको हो। कमला–ढल्केवर–बाग्मती सडक खण्डमा माटो तथा ग्राभेल ढुवानी गर्ने सवारी साधनलाई अवरोध सिर्जना गरी घुस माग्ने गरेको उजुरीपछि उनीमाथि निगरानी गरिएको थियो।
उक्त निगरानीकै क्रममा अधिकारीलाई ४० हजार रुपैयाँ घुस लिँदै गर्दा पक्राउ गरिएको अख्तियार स्रोतले जनाएको छ। घटनाबारे थप अनुसन्धान भइरहेको छ।
