मोरङ । इलाका प्रहरी कार्यालय लेटाङले पछिल्लो समय सामाजिक रूपमा सक्रिय भूमिका निर्वाह गर्दै नागरिकमैत्री सेवा प्रवाहमा उल्लेखनीय सुधार गरेको छ।
कार्यालयले विभिन्न सामाजिक क्रियाकलापमार्फत समुदायसँगको सम्बन्धलाई थप मजबुत बनाउँदै आएको छ। स्थानीयवासीसँग सहकार्य गर्दै शान्ति सुरक्षा कायम राख्ने मात्र नभई जनचेतनामूलक कार्यक्रम सञ्चालन, सहजीकरण र सहयोगी भूमिकामा प्रहरी सक्रिय देखिएको छ।
प्रहरीको सेवा प्रवाहलाई सहज, पारदर्शी र प्रभावकारी बनाउने प्रयासले सर्वसाधारणमा सकारात्मक सन्देश गएको छ। नागरिकको समस्या सुन्ने, समाधानमा तत्पर रहने र विश्वासिलो सेवा दिने कार्यशैलीका कारण इलाका प्रहरी कार्यालय लेटाङलाई नागरिकमैत्री प्रहरीको उत्कृष्ट उदाहरणका रूपमा लिन थालिएको छ।
स्थानीय तह र समुदायसँगको सहकार्यमा अझ प्रभावकारी रूपमा काम गर्दै आएको यस कार्यालयले शान्ति सुरक्षा र सामाजिक सद्भाव कायम गर्न महत्वपूर्ण योगदान पुर्याउँदै आएको छ।
