नेकपा एमालेले काभ्रेको चौंरी देउराली गाउँपालिका अध्यक्षमा गैरसरकारी संस्था महासंघका पूर्वअध्यक्ष जितराम लामालाई उम्मेदवार तय गरेको छ ।
गाउँपालिका कमिटीको शनिबार बसेको बैठकले एनजिओ फेडरेसनका पूर्वअध्यक्ष लामालाई अध्यक्ष उम्मेदवार सर्वसम्मत सिफारिस गरेको हो । त्यस्तै उपाध्यक्षमा बबिता खरेललाई सर्वसम्मत सिफारिस गरिएको छ ।
चौंरी देउराली गाउँपालिकामा यसअघि नेकपा माओवादी केन्द्रले जितेको थियो ।
