दोलखाको बैतेश्वर गाउँपालिकाको अध्यक्ष र उपाध्यक्षका लागि नेकपा (एमाले) ले उम्मेदवारको टुंगो लगाएको छ । नाम्दु गाविसका पुर्व निर्वाचित अध्यक्ष माधवप्रसाद घिमिरेलाई गाउँपालिका प्रमुखमा सिफारिस गरिएको छ । उपाध्यक्षमा शान्ति कुमारी तामाङ्गलाई सर्वसम्मत सिफारिस गरिएको नेकपा (एमाले) बैतेश्वर गाउँपालिका कमिटीका उप-सचिव पुण्यप्रसाद रिमालले बताए ।
घिमिरे पार्टीको बैतेश्वर गाउँपालिका कमिटी अध्यक्ष समेत रहेका छन् भने तामाङ्ग पार्टीको बागमती प्रदेश कमिटी सदस्य हुन् । अघिल्लो पटक जिल्लाभर ७ पालिका जितेको एमाले यसपटक बैतेश्वरमा आईसब्रेक गर्ने तयारीमा रहेको रिमालले बताए । तामाङ्ग २०७४ को स्थानीय निर्वाचनमा उपाध्यक्षमा पराजित भएकी थिइन् ।
बैतेश्वरमा नेकपा माओवादी केन्द्रले गाउँपालिका अध्यक्षको रुपमा अघि सारेको छ भने कांग्रेसले उम्मेदवारको टुंगो लाउन सकेको छैन । कांग्रेसबाट छवि लामा, छबिलाल मोक्तान, तारा खड्का, राजु उप्रेती प्रमुख दाबेदारको रुपमा देखा परेका छन् ।
