इण्डियन प्रिमियर लिग (आईपीएल) क्रिकेटमा दिल्लीले बिहिबार कोलकातालाई ४ विकेटले पराजित गरेको छ। यो आईपीएलमा कोलकाताको लगातार पाँचौं हार हो ।
टस हारेर पहिले व्याटिङ गरेको कोलकाताले ९ विकेटको क्षतिमा १४६ रन बनाएको थियो । उसले ३५ रनमै ४ विकेट गुमाएको थियो । यद्यपि कप्तान श्रेयस अय्यर र नितिश राणाले कोलकाताको ब्याटिंगलाई स्थिर बनाएका थिए । नितिश राणाले ३४ बलमा सर्वाधिक ५७ रन बनाए । यो उनको आईपीएलमा १५ औं अर्धशतक हो ।
टस जितेर दिल्लीका कप्तान ऋषभ पन्तले फिल्डिङ रोजेपछि ब्याटिङमा उत्रिएको कोलकाताको न्युन टार्गेटलाई दिल्लीले १८ औं ओभरको अन्तिम बलमै हासिल गर्यो । दिल्लीका लागि डेभिड वार्नरले ४२, अक्षर पटेलले २४, ललित यादवले २२ र रोमन पावेलले अविजित ३३ रन बनाए भने बलिङतर्फ उमेश यादवले ४ ओभरमा २४ रन खर्चिएर ३ विकेट झारे ।
बलिङतर्फ कोलकाताका कुलदीप यादवले सर्वाधिक ४ र मुस्तफिजुर रहमानले ३ विकेट लिएका थिए । यस हारसंगै कोलकाता को प्लेओफ पुग्ने सम्भावना कम भएको छ ।
