जिम्बावे एसंगको शृंखलामा पहिलाे टी-२० खेलमा नेपाल ६ विकेटले पराजित भएकाे छ । नेपालले दिएकाे १८२ रनकाे लक्ष्य जिम्बावेले १८.५ ओभरमै ४ विकेट गुमाएर पूरा गरेकाे हाे ।
जिम्बावे ए का लागि टाडिवानासा मारुमानी र कप्तान टाेनी मुन्याेङ्गाले अर्धशतकीय पारी खेलेका थिए। मारुमानीले ४१ बल खेल्दै सर्वाधिक ५६ रन बनाएका थिए । उनले ३ चाैका र ३ छक्का पनि प्रहार गरे । टाेनीले २३ बल खेल्दै ७ चाैका मद्दतमा ५० रन बनाए । राेए काए ९ रनमा अविजित रहे ।
नेपालका लागि बसिर अहमदले दुई तथा करण केसी र सन्दीप लामिछानेले समान एक विकेट लिए ।त्यसअघि आदिल अन्सारीको विष्फाेटक ब्याटिङको सहयोगमा कीर्तिपुरस्थित टीयू मैदानमा टस हारेर पहिले ब्याटिङ गरेकाे नेपालले ५ विकेट गुमाएर १८१ रन बनाएकाे थियाे । आदिलले २७ बल खेल्दै ४ चाैका र ३ छक्का मद्दतमा सर्वाधिक ४७ रन बनाए ।
त्यस्तै कुशल भुर्तेलले ३१ बल खेल्दै ८ चाैका मद्दतमा ४६ रन बनाए । यस्तै रोहित पाैडेलले २६ बलमा ३६ र दीपेन्द्र सिंह ऐरीले १३ बलमा २८ रन जाेडे । करण केसी ४ रनमा अविजित रहे । बलिङमा जिम्बावेका लागि ब्राड ईभानेस, लुक जाेङ्गले, ब्रान्डन माभुता र जाेन मासाराले एक-एक विकेट लिएका हुन् ।
