जोया अख्तरको फिल्म ‘द आर्चीज’बाट शाहरुख खान पुत्री सुहानाले बलिउडमा डेब्यू गर्दैछिन् । फिल्ममा सुहानासहित श्रीदेवी पुत्री खुसी कपूर, अमिताभ बच्चनका नाती अगस्त्य नन्दा पनि डेब्यु गर्दैछन् ।
९० को दशकको प्रख्यात कमिक्स आर्ची एन्ड्रयूजले जोया अख्तर द्वारा निर्देशित फिल्ममा भारतीय रूपान्तरण पाइरहेको हो।
गएको अप्रिल महिनादेखि फिल्म छायांकन सुरु भइसकेको छ । यो फिल्म सिनेमाघरमा नभई ओटिटी प्लेटफर्म नेटफ्लिक्सबाट सार्वजनिक हुने भएको छ ।
बलिउड स्टार किड्सले एकमुष्ठ डेब्यु गर्ने फिल्म भएकाले पनि यसप्रति धेरैको चासो छ । बलिउडका सेलिब्रिटीहरुले फिल्मको सफलताका लागि अग्रिम शुभकामना दिइरहेका छन् ।
