बुधबार, असार १५, २०७९

दीपेन्द्र के खनालको निर्देशनमा ‘आमा २’ बन्ने


कान्तिपथ


दीपेन्द्र के खनालको निर्देशनमा ‘आमा २’ बन्ने भएको छ। सोमबार ‘चिसो मान्छे’को ट्रेलर सार्वजनिक कार्यक्रममा ‘आमा २’ को निर्माण घोषणा गरिएको हो। निर्माता शर्मिला पाण्डेले ‘आमा २’ बन्ने जानकारी दिएकी हुन्। ‘दीपेन्द्रको के घर के डेराको छायांकन सकिएपछि हामी आमा २ को तयारीमा जुट्ने छौँ,’ उनले भनिन्। फिल्मको निर्माण घोषणा गरिए पनि कलाकारबारे खुलाइएको छैन।

निर्देशक खनालले नेपालको पहिलो फिल्म ‘आमा’को नाम सापटी लिँदै तेस्रो पटक ‘आमा’ फिल्म बनाएका थिए। नेपालको पहिलो फिल्म ‘आमा’लाई हिरासिंह खत्रीले निर्देशन गरेका थिए भने दोस्रो पटक निर्माण भएको फिल्म ‘आमा’लाई रेसराज आचार्यले निर्देशन गरेका थिए।

खनालले बनाएको फिल्म ‘आमा’ले बक्स अफिसमा सुखद व्यापार गर्नुको साथै राष्ट्रिय अवार्ड समेत हासिल गरेको छ। फिल्ममा मिथिला शर्माले आमाको भूमिका निभाएकी थिइन् भने सुरक्षा पन्त छोरीको भूमिकामा देखिएकी थिइन्।

‘द युगदेखि युगसम्म’ मार्फत फिल्म निर्देशनमा प्रवेश गरेका दीपेन्द्रले ‘धर्मा, भिजिलान्ते थ्रीडी, झोले, पशुपति प्रसाद, चपली हाइट, चपली हाइट २, लभ लभ लभ, धनपति, चंगाचैट’ जस्ता फिल्म निर्देशन गरिसकेका छन्। उनकै निर्देशनमा बनेको फिल्म ‘चिसो मान्छे’ असार ३ गतेदेखि प्रदर्शन हुँदैछ। फिल्ममा स्वस्तिमा खड्का, अर्पण थापा, देशभक्त खनालको मुख्य भूमिका रहेको छ।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत