आइतवार, अशोज ९, २०७९

दर्शकले आफ्नो नारा नलगाएको भन्दै दर्शकमाथि पूजा शर्मा रिसाइन


कान्तिपथ


नायिका पुजा शर्माले आफु द्वारा अभिनित फिल्म ‘सम्झना बिर्सना’ हेर्न आएका दर्शकहरूले आफ्नो नारा नलगाएको भन्दै पूजा शर्माले आक्रोशित भएकी छिन ।

बारम्बार विभिन्न कारणले विवादमा रहने अभिनेत्री पूजा फेरि विवादमा तानिएकी हुन् । नायिकाको बोल्ने शैलीले गर्दा उनी विवादमा तानिने गरेकी छिन् । यसपटक पनि उनी आफ्नो बोलिकै कारण विवादमा तानिएकी हुन् । गत शुक्रबारबाट प्रदर्शनमा आएको चलचित्र ‘सम्झना बिर्सना’ को प्रतिक्रिया बुझ्न शनिबार दिउँसो बालाजुको अष्टनारायण हलमा पूजा र सो चलचित्रका नायक आकाश दुवै जना गएका थिए ।

सोही समय पूजाले दर्शकसँग झर्किएको एक भिडियो सामाजिक सञ्जालमा भाइरल भइरहेको छ । पूजा र आकाशका प्रसंशकहरू फूलमाला र खादा नै बोकेर हल पुगेका थिए । दुवैका प्रसंशकहरूले नारा लगाउदै फूलमाला र खादा ओडाएर सम्मान समेत गरेका थिए ।

त्यस लगतै पूजा र आकाश छुट्टिए सँगै उनिहरुको प्रसंशकहरू पनि विभाजित भएको स्पष्ट देखिएकाे छ । अष्टनारायण हलको एउटा कुनामा आकाशको पक्षमा नारा लागेको थियो भने अर्को कुनामा पूजाको पक्षमा नारा लागिरहेको थियो । साेही क्रममा, पूजा र आकाश एकसाथ उभिएको ठाउँमा आएर एकहुल आकाशका फ्यानहरुले ठूलो स्वरमा ‘आकाश आकाश’ भनेर नारा लगाएका थिए । पूजा रिसले आगो भइन् र , ‘के हो यो , फिल्म कसको, दुईटैको हो , के गरेको यो’ भन्दै उनले दर्शकसँग झर्किँएकी थिइन् ।

पूजा झर्किएपछि आकाशले आफ्ना प्रसंशकहरूलाई ‘सबैलाई सम्मान गर्नुपर्छ’ भनेर सम्झाएका थिए । त्यसपछि पूजा आकाशका फ्यानहरूको घेराबाट रिसाउँदै बाहिर निस्केकी थिइन्। पूजाले यसरी दर्शकलाई थर्काएको एउटा सानो भिडियो अहिले सामाजिक सञ्जालमा निकै भाइरल भइरहेको छ ।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत