नेत्र विक्रम चन्द (विप्लब) नेतृत्वको कनेपाल कम्युनिस्ट पार्टी निकट अखिल क्रान्तिकारी जिल्ला समिति डडेलधुराले आलिताल गाउँपालिका भित्र पर्ने पर्यटकीय क्षेत्र आलीताल परिसरमा वृक्षारोपण सरसफाइ गरेको छ । सोमबार उक्त क्षेत्रमा बृक्षारोपण गरिएको अखिल क्रान्तिकारी सुदुरपश्चिम प्रदेश इन्चार्ज बबरजंग सिंहले बताए ।
एकीकृत जनक्रान्तिका सहिद प्रज्वल शाहीको स्मृतिमा आलिताल क्षेत्रमा वृक्षारोपण लगायत सरसफाइ गरिएको सिंहले बताए । उनले भने, ´महान सहिद प्रज्वलको स्मृतिमा सुदुरपश्चिम प्रदेश समिति अन्तर्गतका सबै जिल्लाहरुमा वृक्षारोपण गर्ने कार्यक्रम छ ।`
वृक्षारोपण कार्यक्रममा अखिल क्रान्तिकारी डडेलधुरा इन्चार्ज ललित एसके, संगठनका केन्द्रीय सदस्य शंकर खाती , संगठनकै डडेलधुरा अध्यक्ष गणेश बोहोरा लगायत अन्यको सहभागिता रहेको थियो ।
