मिस अर्जेन्टिना मारियाना भारेला र मिस पोर्टो रिको फाबियोला भ्यालेन्टाइनले विवाह गरेका छन्। पछिल्लो दुई वर्षदेखि दुवैले एकअर्कालाई डेट गरिरहेका थिए।
उनीहरूले इन्स्टाग्राममार्फत् यसको खुलासा गरेका हुन्। भेरेला र फाबियोला भ्यालेन्टाइन पहिलो पटक २०२० मा मिस ग्रान्ड इन्टरनेशनलको समयमा भेटेका थिए। त्यसयता दुवै एकअर्काको सम्पर्कमा र डेटिङमा थिए।
अक्टोबर २८ मा उनीहरूले विवाह गरेका हुन्। विहेपछि सामाजिक सञ्जालमा बधाई दिनेहरूको घुइँचो लागेकाे छ।
