उपाधि दाबेदार पोर्चुगलले स्टेडियम ९७४ मा बिहीबार राति भएको खेलमा घानालाई ३-२ गोल अन्तरले हराउँदै पोर्चुगल कतार विश्वकप फुटबलमा विजयी सुरुआत गरेको छ ।
पोर्चुगलि टिमका क्याप्टेन क्रिस्टियानो रोनाल्डोले ६५ औं मिनेटमा पेनाल्टीबाट गोल गर्दै पोर्चुगललाई सुरुआती अग्रता दिलाएका थिए । घाना र पोर्चुगाल बिच भएको संघर्षपुर्ण खेलको सबै गोल दोस्रो हाफमा भएको थियो ।
घानाका मोहमदले रोनाल्डोलाई पेनाल्टी एरिया भित्र लडाएपछि पोर्चुगलले पेनाल्टी पाएको थियो । रोनाल्डोले पेनाल्टी किक पाए पछि उनले सो अवसरलाई सहजै गोलमा परिणत गरेका थिए ।
यस गोलसँगै रोनाल्डोले लगातार पाँच विश्वकपमा गोल गर्ने पहिलो खेलाडीको कीर्तिमान बनाए ।
३७ वर्षीय रोनाल्डोले यस अघि २००६, २०१०, २०१४ र २०१८ को विश्वकपमा गोल गरेका थिए ।
खेलको ७३ औं मिनेटमा आन्द्रे एयुले घानाको लागी गोल गर्दै घानालाई १-१ गोलको बराबरीमा ल्याए ।
निकै रोमान्चक रहेको यस खेलमा ७८ औं मिनेटमा जोआ फेलिक्सले गोल गर्दै पोर्चुगललाई २-१ को अग्रता दिलाउन सफल भय ।
पुनः दुई मिनेटको अन्तरालमा, खेलको ८० औं मिनेटमा राफायल लियोले गोल गरेपछि पोर्चुगल ३-१ ले अगाडी बढ्यो ।
त्यसपछि खेलको ८९ औं मिनेटमा घानामा ओस्मान बुकारीले गोल गरेपनि पोर्चुगल ३-२ ले विजयी भयो ।
यस जितसँगै समूह ‘एच’ को पोर्चुगलले पहिलो खेलमा ३ अंक जोडेको छ ।
पोर्चुगल समूहको शीर्ष स्थानमा रहेको छ ।
पुछारमा रहेको घानाले भने हारबाट विश्वकपको सुरुआत गरेको छ ।
