बिहिबार, माघ २४, २०८१
  • गृहपृष्‍ठ
  • स्वास्थ्य
  • आमाले खाएको खानाबाट गर्भमा रहेको भ्रूणले पनि स्वाद लिने गरेको वैज्ञानिकहरुको निष्कर्ष

आमाले खाएको खानाबाट गर्भमा रहेको भ्रूणले पनि स्वाद लिने गरेको वैज्ञानिकहरुको निष्कर्ष


कान्तिपथ


हालै मात्र वैज्ञानिकहरूले गर्भमा रहेको भ्रूण आमाले गाजर खाँदा प्रसन्न हुने र केलको साग खाँदा ठुस्स पर्ने कुरा पत्ता लगाएका छन्।

यूकेको डरम यूनिभर्सिटीस्थित द नियोनेटल रिसर्च ल्याबले भ्रूणले विभिन्न स्वादमा प्रतिक्रिया व्यक्त गरेको प्रत्यक्ष प्रमाण पहिलो पटक अभिलेखीकरण गरिएको जनाएको छ।

अनुसन्धानकर्ताहरूले इङ्ग्ल्यान्डमा १०० जना गर्भवती महिला र तिनको गर्भमा रहेका बच्चामा अध्ययन गरेका थिए।

उनीहरूले ३५ जना गर्भवतीलाई गाजरको धुलोको चक्की र अरू ३४ जनालाई केलको धुलोको चक्की दिएका थिए।

बेलायतको डरम युनिभर्सिटीको द नियोनेटल रिसर्च ल्याबले भ्रूणले विभिन्न स्वादमा प्रतिक्रिया व्यक्त गरेको प्रत्यक्ष प्रमाण पहिलो पटक अभिलेखीकरण गरेको बीबीसीले जनाएको छ ।

साइकोलजिकल साइन्स जर्नलमा प्रकाशित विवरणमा आमाले गाँजर खाँदा गर्भमा रहेको भ्रूण प्रशन्न भएको र आमाले केलको साग खाँदा ठुस्स परेको उल्लेख छ ।

एक सय जना गर्भवतीमा गरिएको परीक्षणमा आमाले खानेकुरा खाएको २० मिनेटपछि भ्रूणको प्रतिक्रिया देखिएको छ । केही नखाएका आमाको गर्भमा रहेका भ्रूणले भने प्रतिक्रिया नजनाएका रिपोर्टमा उल्लेख छ । आमाले खाएका खानाका कारण गर्भमा भ्रूणहरु वरिपरि हुने तरल पदार्थमा विभिन्न स्वाद हुने भएकाले त्यसो हुनसक्ने विज्ञहरुले बताएका छन् ।

आमाले खाने खानाबाट भ्रूणले कस्तो पोषण पाउँछ र बच्चाको स्वास्थ्य विकासका लागि यो निकै आवश्यक छ भन्ने कुरा यसअघिका अनुसन्धानहरूबाट थाहा पाएको भए पनि स्वाद लिने कुरा पहिलोपटक थाहा भएको अनुसन्धान टोलीकी प्रमुख नादिया राइस्लान्डलाई उद्धृत गर्दै बीबीसीले जनाएको छ ।

शिशुहरुले सामान्यतया १४ हप्तापछि स्वाद थाहा पाउने उहाँले बताउनुभयो । यो अध्ययन जन्मने बच्चामा खानेकुराको बानी पार्नको लागि महत्त्वपूर्ण हुने वैज्ञानिकहरुको भनाइ छ । 

श्रोत: बीबीसी



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल:kantipath24@gmail.com

ठेगाना: का.म.न.पा-३२, काठमाडौँ

© कान्तिपथ मिडिया प्रा. लि. सर्वाधिकार सुरक्षितत