लियोनल मेस्सी फिफा विश्वकप २०२२ को सर्वाेत्कृष्ट खेलाडी घोषित भएका छन् ।
कतारको दोहास्थितm लुसेल स्टेडियममा फ्रान्सलाई टाईब्रेकरमा ४–२ गोल अन्तरले हराउँदै अर्जेन्टिनाले तेश्रोपटक फिफा विश्वकपको उपाधि जित्न सफल बन्यो ।
फिफाले मेस्सीलाई गोल्डेन बल अवार्ड अर्थात प्रतियोगिताको सर्वाेत्कृष्ट खेलाडीको पुरस्कार दिएको हो ।
मेस्सीले कतारमा सम्पन्न विश्वकपमा ४ असिस्टसहित ७ गोल गरे ।
यस्तै प्रतियोगिताको सर्वाधिक गोलकर्ता अर्थात गोल्डेन बुटको अवार्ड फ्रान्सका किलियन एम्बाप्पेले जिते । उनले प्रतियोगितामा कुल ८ गोल गर्न सफल भए ।
यस्तै अर्जेन्टिनाका गोलकिपर इमिलिआनो मार्टिनेजले गोल्डेन ग्लोब्स् अर्थात सर्वाेत्कृष्ट गोलकिपरको अवार्ड हात पारे । उनले फ्रान्सविरुद्धको फाईनल खेलको पेनल्टी शुटआउटमा किङ्गस्ले कोमानको प्रहार बचाएका थिए ।
अर्जेन्टिनाका २१ वर्षिय मिडफिल्डर इन्जो फर्नान्डेजले कतार विश्वकप २०२२ को योङ्गेस्टर प्लेयरको अवार्ड जिते ।
