विश्वकप लिग २ अन्तरगत यूएईविरुद्धको म्याचमा कुशल मल्लले आक्रामक अर्धसतक बनाएका छन् । नेपालले १५ रनमा दोस्रो विकेट गुमाएपछि कुशल चौंथो नम्बरमा क्रिजमा आएका थिए । सुरुदेखि नै खुलेर खेलेका उनले ४२ बलमा आफ्नो अर्धसतक पूरा गरे, जसमा १ छक्का र ७ चौका सामेल छन् ।
नेपालले १२ रनको अवस्थामा कुशल भुर्तेललाई गुमाएको थियो । अर्का ओपनर आसिफ शेख केही राम्रा सट खेलेर १७ रनमा आउट भए । उनले १६ बल खेल्दै तीन चौका प्रहार गरेका थिए । नेपालका तीन ब्याट्सम्यानले खाता नै खोल्न सकेनन् । ज्ञानेन्द्र मल्ल, रोहितकुमार पौडेल र आरिफ शेख शून्यमा आउट हुँदा नेपाल संकटमा देखिएको छ ।
अहिले कुशललाई क्रिजमा दिपेन्द्र सिंह ऐरीले साथ दिइरहेका छन् । यूएईले पहिलो ब्याटिङ गर्दै नेपाललाई २०८ रनको लक्ष्य दिएको थियो । सामान्य लक्ष्य भए पनि स्लो विकेट हुँदा ब्याट्सम्यानहरु रनका लागि संघर्ष गरिरहेका छन् ।
