नेकपा (एमाले) सम्बद्ध विद्यार्थी संगठन अनेरास्ववियुका अध्यक्ष समिक बडालले राज्य विरुद्दको अपराध कुन तहको नेताबाट भो भन्ने नहुने र त्यस्ता अपराधीलाई कानुनी कारबाही हुनु पर्ने बताएका छन् । उनले घटनाको निष्पक्ष छानबिनको माग गरेका छन्।
नेपालीलाई भुटानी शरणार्थी बनाई अमेरिका पठाइदिने भन्दै ठगी गर्ने गिरोहको खोजी गरिरहेको प्रहरीले तत्कालीन ऊर्जामन्त्री टोपबहादुर रायमाझीका बाबुछोरालाई पक्राउका लागि खोजी सुरू गरेपछि बडालको यो अभिव्यक्ति आएको हो।
टोपबहादुर र छोरा सन्दीपविरुद्ध पक्राउ पुर्जी जारी भएसँगै प्रहरीले उनीहरूलाई खोजी गरेको हो । सँगै तत्कालीन गृहमन्त्री रामबहादुर थापा ‘बादल’ का छोरा प्रतिक थापालाई पनि पक्राउ अनुमति लिएर खोजी गरिरहेको प्रहरी स्रोतले बतायो ।
