२०८० भाद्र ३१ गते दोरम्बा शैलुङ गाउँपालिका वडा नं ६ बाट तीन जना नेकपा एमाले सदस्य पार्टी परित्याग गरी नेकपा माओवादी केन्द्रमा पार्टी प्रवेश गरेका छन्।
लामो समय देखि नेकपा एमालेमा विभिन्न जिम्मेवार पदमा रहँदै आएका राजेन्द्र ढुङ्गेल(राजन), विपिन ढुङ्गेल र तोया नाथ ढुङ्गेल गरी तीन जना नेकपा एमाले सदस्यले नेकपा एमाले भ्रष्टाचारमा चुर्लुम्म डुबेको र अहिलेको अवस्थामा फटाहा मात्र रहने, भ्रष्टाचारी, ठगहरुको उत्पादन तथा संरक्षन गर्ने गरेको भन्दै एमाले पार्टी परित्याग गरी नेकपा माओवादी केन्द्रमा प्रवेश गरेका छन । तोयानाथ ढुङ्गेल एमाले निकट शिक्षक लीला प्रसाद ढुङ्गेल पिता हुनुहुन्छ ।
उहाँहरूलाई एक कार्यक्रममा नेकपा माओवादी केन्द्रका बागमती प्रदेश सचिवालय सदस्य विमल ढुङ्गेलले अबिर तथा खाँदा लगाई नेकपा माओवादी केन्द्रमा स्वागत गर्नु भएको छ।
