काठमाडौँको जडिबुटीस्थित कोटदेवी विद्यानगर समाज सुधार समितिको आयोजनामा बृहत सरसफाई तथा जनचेतनामुलक कार्यक्रम सम्पन्न भएको छ । जडिबुटीस्थित विभिन्न सामाजिक संघसंस्था, विद्यालयहरुको समेत संलग्नतामा सम्पन्न कार्यक्रममा २०० हाराहारीको सहभागिता रहेको समितिका अध्यक्ष देव चौलागाईंले बताए ।
नवप्रभात युवा क्लबका अध्यक्ष जीवन तामाङ्गका अनुसार कार्यक्रममा उच्च अदालतका पुर्व मुख्य न्यायाधिश डिल्लीराज आचार्य, बागमती प्रदेशसभा सदस्य सुनिल केसी, डिएसपी शिवराज बुढाथोकी, समाजसेवी सुर्य कोइरालालगायत सहभागिता थियो ।
https://www.facebook.com/share/v/9N7aSCD5bmgYFQLQ
कार्यक्रममा सहभागीहरुले सरसफाई साथै देशभर फैलिरहेको हैजा नियन्त्रणका लागि जनचेतनामुलक प्रचार गरेका थिए । समितिका अध्यक्ष चौलागाईंले संस्थाले निरन्तर रुपमा सामाजिक कार्यहरु गर्दै आईरहेको र आगामी दिनमा पनि त्यसलाई निरन्तरता दिने बताए ।
