काठमाडौं, १८ मंसीर । सुदूरपश्चिम रोयल्यसले पहिलो पावर प्ले (सुरुआती ६ ओभर) मा तीन विकेट गुमाएर ४३ रन बनाएको छ ।
नेपाल प्रिमियर लिग (एनपिएल) अन्तर्गत विराटनगर किंग्सविरुद्धको खेलमा सुदूरपश्चिमले पहिलो पावरप्ले (सुरुआती ६ ओभर) मा तीन विकेट गुमाएर ४३ रन बनाएको हाे ।
कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिको निम्तो पाएको सुदूरपश्चिमका लागि ब्रेन्डन म्याकमुलन सात र सेफ जैब एक रन बनाएर खेलिरहेका छन् । विराटनगरका लागि इस्मत आलम, अनिल खरेल र बसिर अहमदले समान एक विकेट लिए ।
दोस्रो ओभरको अन्तिम बलमा इस्मत आलमले ओपनर अमित श्रेष्ठलाई व्यक्तिगत एक रनमा मार्टिन गप्टिलबाट क्याच गराए । पाँचौं ओभरको चौथो बलमा अनिल खरेलले विराटनगरलाई दोस्रो सफलता दिलाए । २० बलमा चार चौकाको मद्दतले २३ रन बनाएर खेलिरहेका विनोद भण्डारी प्रतिश जिसीबाट क्याच हुँदै पेभेलियन फर्किए ।
छैटौं ओभरको चौथो बलमा बसिर अहमदले आरिफ शेखलाई व्यक्तिगत ९ रनमा निकोलस किर्टनबाट क्याच गराए ।
