काठमाडौं । नेपाल प्रहरीले आफ्नै स्टाफ कलेज स्थापना गरेको छ ।
प्रहरीले आफ्नै स्टाफ कलेज स्थापना गरेपछि पुलिस लिडरसिप एन्ड स्टाफ कलेज (एमपिएस)’ कोर्सका एक सय ४४ अधिकृतहरु प्रारम्भिक सूचीमा परेका छन् ।
पुलिस लिडरसिप एन्ड स्टाफ कलेजले स्टाफ कोर्सका लागि १४४ प्रहरी अधिकृतको प्रारम्भिक सूची बनाएर एक साताभित्र प्रवेश परीक्षाका लागि आवेदन माग गरेको छ । उनीहरूमध्ये ३५ जनाले एक वर्षमा ‘पुलिस लिडरसिप एन्ड स्टाफ कलेज (एमपिएस)’ कोर्स गर्न पाउनेछन् ।
यस्तो कोर्स नगर्ने एसपी र एसएसपीलाई बढुवाको दोस्रो सूचीमा राखिने र त्यसभन्दा माथि बढुवा नहुने हाल मन्त्रिपरिषदबाट पास भई संसदमा दर्ता हुने लागेको प्रहरी ऐनको विधेयकमा उल्लेख छ ।
२०७० सालमा इन्सपेक्टरबाट भर्ना भएका पिजीडिपिएसको सातौं ब्याचबाट स्टाफ कलेज लागू हुन लागेको हो । यो ब्याचका ६५ जना डीएसपी र ७९ जना इन्सपेक्टर छन् । स्टाफ कलेज नगर्नेहरु एसएसपीभन्दा माथि बढुवा नहुने भएकाले यसलाई महत्वपूर्ण मानिएको छ । लिडरशीप एण्ड स्टाफ कलेजले फागुनमा प्रवेश परीक्षा लिने र चैतदेखि पढाई सुरु गर्ने तयारी गरेको छ ।
