काठमाडौँ । अख्तियार दुरुपयोग अनुसन्धान आयोगले मेलम्ची खानेपानी आयोजनामा भ्रष्टाचार गरेको अभियोगमा पूर्वसचिव भीम उपाध्यायलगायतविरुद्ध सर्वोच्च अदालतमा पुनरावेदन दिएको छ ।
विशेष अदालतबाट भएको फैसलामा चित्त नबुझेको भन्दै आयोगले आज सर्वोच्च अदालतमा पुनरावेदन निवेदन दर्ता गराएको हो ।
आयोगले मेलम्ची खानेपानी विकास समितिका तत्कालीन अध्यक्ष तथा खानेपानी मन्त्रालयका तत्कालीन सचिवहरू डा. सञ्जय शर्मा, भीमप्रसाद उपाध्याय, गजेन्द्रकुमार ठाकुर र मेलम्ची खानेपानी विकास समितिका तत्कालीन बोर्ड सदस्य मुकुन्दप्रसाद पौडेलसमेतका प्रतिवादीहरू विरुद्ध पुनरावेदन गरेको हो ।
यसअघि आयोगले दायर गरेको मुद्दामा विशेष अदालत, काठमाडौँले २०८१ भदौ १६ गते फैसला गर्दै प्रतिवादीहरूलाई आंशिक सफाइ दिएको थियो ।
विशेष अदालतको उक्त फैसलामा सरकारी सम्पत्ति हानी नोक्सानीमा संलग्नहरूलाई उन्मुक्ति मिलेको जिकिर गर्दै आयोगले सो फैसला त्रुटिपूर्ण रहेको आयोगका सहायक प्रवक्ता गणेश बहादुर अधिकारीद्वारा जारी विज्ञप्तिमामा उल्लेख छ ।
आयोगले सर्वोच्च अदालतमा पुनरावेदन गरेको मुद्दामा १७ जना (संस्थासहित) लाई प्रतिवादी बनाइएको छ–
१. डा. सञ्जय शर्मा
२. भीमप्रसाद उपाध्याय
३. गजेन्द्रकुमार ठाकुर
४. मुकुन्दप्रसाद पौडेल
५. रुद्रसिंह तामाङ
६. चन्द्रबहादुर थापा
७. घनश्याम भट्टराई
८. रामचन्द्र देवकोटा
९. सूर्यराज कँडेल
१०. मणिभद्र न्यौपाने
११. रामचन्द्र न्यौपाने
१२. वेगनाथ पौडेल
१३. केदारप्रसाद अर्याल
१४. भोजविक्रम थापा
१५. शिवकुमार शर्मा
