चेल्सीलाई पेनाल्टी सुटआउटमा पराजित गर्दै लिभरपुलले एफए कप फुटबलको उपाधि जितेको छ ।
कोन्स्टान्टिनोस सिमिकासले अन्तिम पेनाल्टीमा गोल गरेपछि लिभरपुलको उपाधि जित्नुका साथै एकै सिजनमा सबै चार उपाधि जित्ने सम्भावनालाई पनि कायमै राखेको छ ।
शनिबार राति वेम्बलीमा भएकाे निर्धारित ९० मिनेट र थप ३० मिनेटको खेल गोलरहित बराबरीमा टुंगिएपछि खेलकाे निर्णय पेनाल्टी सुटआउटबाट भएकाे हाे ।
लिभरपुलले यसअघि फेब्रुअरीमा चेल्सीलाई पेनाल्टी सुटआउटमा पराजित गरी लिग कप जितिसकेको छ । अब लिभरपुलले रिएल मड्रिडसँग २९ मे मा च्याम्पियन्स लिगको फाइनल खेल्नेछ । त्यस्तै प्रिमियर लिगमा भने लिभरपुल दुई खेल बाँकी छँदा म्यानचेस्टर सिटीभन्दा ३ अंकले पछाडि रहेको छ ।
लिभरपुलले २००१ यता पहिलोपटक एकै सिजनमा लिग कप र एफए कप जितेको हो । लिभरपुलले एफए कप आठौंपटक जितेको हो । लिभरपुलले भन्दा बढि आर्सनलले १४ र म्यानचेस्टर युनाइटेडले १२ पटक एफए कप उपाधि जितेको छ ।
