रियल म्याड्रिड किलियन एमबाप्पेले अर्को पन्ध्र दिन भित्र पेरिस सेन्ट-जर्मेनबाट उनीहरूमा सामेल हुने आफ्नो निर्णय घोषणा गर्नेमा विश्वस्त भएको स्पेनी फुटबल विशेषज्ञ गुइलम बालागुएले रिपोर्ट गरेका छन् ।
पीएसजीले उनलाई अर्को दुई सिजन क्लबमा राख्नको लागि १५० मिलियन युरो साइन-अन शुल्क प्रस्ताव गर्न तयार थियो। तर ला लिगा च्याम्पियन म्याड्रिडले उनले छिट्टै आफ्नो निर्णय सार्वजनिक गर्ने अपेक्षा गरेका छन् ।
“पीएसजीले १५० मिलियन युरो साइन-अन शुल्कको ठूलो प्रस्ताव ल्याएका कारण एमबाप्पेले सम्झौता अलिकति परिवर्तन गर्ने प्रयास गरे पनि, रियल म्याड्रिड विगतमा भएको सहमती सर्तहरूलाई सम्मान गरिनेछ भन्नेमा विश्वस्त छ” बालागुएले भने।
२३ वर्षीय एमबाप्पेको सम्झौता यस सिजनमा सकिँदैछ र बीबीसी स्पोर्टले अप्रिलमा उनले रियल म्याड्रिडसँग सम्झौता गरेको बताएको थियो।
