नेकपा एमाले रामेछापका जिल्ला इन्चार्ज एवं बागमती प्रदेशका पूर्व आर्थिक मामिला मन्त्री तथा प्रदेश सांसद कैलाश ढुंगेललाई मुटुमा समस्या देखिएको छ । आज बिहान बान्ता गर्ने समस्या भएसँगै उनलाई मन्थलीको तामाकोसी अस्पतालमा भर्ना गरिएको थियो ।
उपचारको क्रममा डाक्टरले मुटुमा समस्या रहेका बताएपछि अहिले ढुंगेललाई काठमाडौं ल्याईएको छ । एमाले जिल्ला नेता प्रेमबहादुर खड्काका अनुसार मुटुको समस्याको कारण थप उपचारको लागि हेलिकोप्टर मार्फत नर्भिक अस्पताल लैजाने तयारी भएको छ ।
