सर्वोच्च अदालते कर्मचारी समायोजन विवादमा फैसला सुनाएको छ। कामु प्रधानन्यायाधीश दीपककुमार कार्कीसहितको पाँच न्यायाधीशको इजलासले मंगलबार फैसला सुनाएको हो।
९८ थान रिटमा सर्वोच्चले फैसला सुनाउदै अधिकांश रिट खारेज गर्ने फैसला गरेको छ। सर्वोच्चले १३ थान रिटमा परमादेश जारी गर्दै अन्यलाई खारेज गरेको हो।
यसअघि आइतबार निसुमा रहको मुद्दाको पेसी मंगलबारका लागि सारेको थियो। भदौ १ गते सुनुवाइ सकेर पहिलो निसु (निर्णय सुनाउने) मिति तोकिएको थियो।
आइतबार पनि फैसला नभएपछि मंगलबारका लागि सारिएको थियो। यो मुद्दामा फैसला नहुँदा संघ, प्रदेश र स्थानीय तहमा कर्मचारी समायोजनको कामले पूर्णता पाउने सकेका थिएनन्। सरकारले समायोजनका लागि पठाएपछि कर्मचारीहरुले अदालतको मुद्दा देखाउँदै आएका थिए।
