स्पेनिस महारथी रियल मड्रिडले स्टार खेलाडी केलियन एम्बाप्पेलाई सार्वजनिक गरेको छ ।
मंगलबार सान्टियागो बर्नबाउमा आयोजित विशेष कार्यक्रममा उपस्थित हजारौँ क्लबका समर्थकमाझ रियल मड्रिडले एम्बाप्पेलाई औपचारिक रूपमा सार्वजनिक गरेको हो । एम्बाप्पे फ्रान्सेली क्लब पेरिस सेन्ट जर्मेन (पीएसजी) बाट फ्रि ट्रान्सफरमा रियल मड्रिडमा अनुबन्ध भएका हुन् । रियल मड्रिड र एम्बाप्पेबीच पाँच वर्षको सम्झौता भएको छ । सम्झौताअनुसार एम्बाप्पे सन् २०३० सम्म रियल मड्रिडमा रहनेछन् ।
रियल मड्रिडमा एम्बाप्पे ९ नम्बरको जर्सी लगाउनेछन् ।रियल मड्रिडले एम्बाप्पेलाई वार्षिक १ करोड ५० युरो दिनेछ । सन् २०१७ मा लोनमा फ्रेन्च क्लब मोनाकोबाट लोनमा पीएसजी पुगेका एम्बाप्पेलाई सन् २०१८ मा स्थायी खेलाडी बनाएको थियो ।
