काठमाडाैं । तिक्तताले भरिएको क्वार्टरफाइनल खेलमा अर्जेन्टिनालाई हराउँदै फ्रान्स पुरुष ओलम्पिक फुटबलको सेमिफाइनलमा प्रवेश गरेको छ ।
शुक्रबार फ्रान्स १–० गोलले विजयी भएको हो ।
आयोजक राष्ट्र सेमिफाइनल प्रवेश गरिरहँदा खेल सकिएपछि दुवै टोलीका खेलाडी र प्रशिक्षकहरू मैदानमा नै भिड्न पुगेका थिए । पछिल्लो समय दुई टोलीबिच तनाव बढ्दो छ । गत १४ जुलाईमा कोपा अमेरिका जितेपछि अर्जेन्टिनी खेलाडीहरूले फ्रान्सका अश्वेत खेलाडीविरुद्ध रङ्गभेदी गीत गाएको भिडियो सार्वजनिक भएको थियो ।
खेलको सुरुवातमा नै अर्जेन्टिनाका राष्ट्रिय गान बज्दा फ्रान्सका समर्थकहरूले त्यसविरुद्ध हुटिङ गरेका थिए । खेलपछि दुई टोलीबिच कुटाकुट भयाे ।
