काठमाडौँ । इङलिश प्रिमियर लिग अन्तर्गत चेल्सीले साउथहम्पटनमाथि शानदार जित हासिल गरेको छ ।
गएराती सम्पन्न खेलमा चेल्सीले साउथहम्पटनलाई ५-१ गोल अन्तरले पराजित गरेको हो ।
चेल्सीको जितमा एक्सेल डिसासी, क्रिस्टोफर एन्कुनकु, नोनी मडुएके, कोल पाल्मर र जाडोन सान्चोले एक एक गोल गरेका थिए । त्यसैगरी साउथहम्पटनका लागि जोय अरिबोले एक गोल गरेका थिए ।
यो जितपछि चेल्सी लिगको दोस्रो स्थानमा उक्लिएको छ । चेल्सीको १४ खेलमा २८ अंक भएको छ ।
त्यसैगरी साउथहम्पटनको यस सिजनमा यो ११औ हार हो । १४ खेलमा ५ अंक रहेको साउथहम्पटन लिगको पुछारमा रहेको छ ।
