काठमाडौं — सरकारले नागढुंगा सुरुङमार्ग प्रयोग गर्दा सवारी साधनको किसिमअनुसार एकपटकमा ६० देखि ६०० रुपैयाँसम्म दस्तुर तिर्नुपर्ने व्यवस्था गरेको छ।
मन्त्रिपरिषद्को सोमबारको बैठकले उपत्यका भित्रिने र बाहिरिने सवारीका लागि फरक–फरक दर तोकेको हो।
निर्णय अनुसार—
- कार तथा भ्यान: काठमाडौं आउँदा रु. ६५, बाहिरिँदा रु. ६०
- मिनीबस र ट्रक: आउँदा रु. ११५, बाहिरिँदा रु. ८०
- बस र ठूलो ट्रक: आउँदा रु. २६०, बाहिरिँदा रु. २००
- भारी उपकरण: आउँदा रु. ६००, बाहिरिँदा रु. २५०
सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङका अनुसार, बहुप्रतिक्षित नागढुंगा सुरुङमार्ग केही महिनाभित्र सञ्चालनमा ल्याउने तयारी भइरहेको छ।
