टर्कीमा भएको रुस र युक्रेन बिचको वार्ता असफल भए पछि रुसी सेना झनै आक्रामक भएका छन् । प्राप्त भएका नयाँ अपडेट स्याटलाइट तस्बिरहरु अनुसार रुसी सेना युक्रेनको राजधानी किएभ वरपर आफुलाई पुन: संगठित बनाउदै अघि बढिरहेको देखिएको छ ।
प्राप्त जानकारी अनुसार रुसी सेना राजधानी किएभ तर्फ हरेक दिन ५ किलोमीटरका दरले अझ नजिक बददै छन् । किएभको उत्तर -पूर्वी दिशा तर्फ बाट रुसी सेना केवल ४० किलोमिटरको दुरीमा रहेको र अबको केहि दिन मै रुसी सेना किएभमा आक्रमण गर्ने तयारीमा रहेको जनाइएको छ ।
केहि दिन अगाडी प्राप्त स्याटलाइट तस्बिरहरुमा रुसी सेना ट्यांक र अन्य सैनिक हातहतियार सहित 64 किलोमीटर लामो लस्करका साथ किएभ तर्फ बढेका थिए । एक श्रोतका अनुसार युक्रेनी सेनाले बीच बाटोमा नै एन्टी – ट्यांक मिसाइल बाट आक्रमण गरेकोले सो टुकडी अगाडी बडन सकिरहेको थिएन ।
