नेकपा माओवादी केन्द्रले विगु गाउँपालिकाको अध्यक्षमा सञ्जिव ओलीलाई उम्मेदवार बनाउने भएको छ । ओली कांग्रेस-मओवादी-समाजवादीको गठबन्धनको साझा उम्मेदवार बन्ने लगभग तय भएको छ ।
उनी यसअघि २०७४ सालको स्थानीय निर्वाचनबाट विगु गाउँपालिकाका उपाध्यक्ष बनेका थिए । यो सँगै माओवादी केन्द्र दोलखाले हालसम्म जिल्लाको ६ वटा पालिकामा पालिका अध्यक्षको उम्मेदवार टुङग्याएको छ । अन्य ३ स्थानीय तहमा भने घोषणा हुन बाँकी रहेको छ ।
नेकपा (एमाले) ले भने बिगु गाउँपालिका अध्यक्षमा पुर्व जिविस सभापति लालकुमार केसीलाई उठाउने लगभग तय भएको छ । केसी एमालेका लोकप्रिय र पुराना नेता हुन् । २०५४ मा जिविस सभापति बनेका केसी डोरमणि पौडेल मुख्यमन्त्री हुँदा कृषि विज्ञ थिए । नेकपा (माले) बाट प्रदेश सांसद लडेका केसी पशुपति चौलागाईंसंग पराजित भएका थिए ।
