बुधबार, जेष्ठ ४, २०७९

राहुल गान्धीको नेपाल भ्रमण : भारतमा हंगामा


कान्तिपथ


भारतीय राष्ट्रिय कांग्रेस पार्टीका शीर्ष नेता राहुल गान्धी निजी भ्रमणका शिलशिलामा काठमाडौँमा छन् । सोमबार भिस्तारा एयरको विमानबाट काठमाडौँ ओर्लिएका उनी साँझ ठमेल स्थित नाइट क्लब एलओडी (लर्ड अफ द ड्रिङ्क्स) मा देखिएका थिए।

त्यसपश्चात बीजेपीको सूचना तथा प्रविधि विभागका प्रमुख अमित मालवीयले ट्वीटरमा गान्धीलाई नाइटक्लबमा देखाइएको भिडियो सार्वजनिक गरेका छन् । त्यस ट्वीट पश्चात भारतमा गान्धीको विपक्षमा भारतीय जनता आक्रोशित हुन पुगेका छन् ।

“मुम्बई कब्जामा हुँदा राहुल गान्धी नाइट क्लबमा थिए। उनी एक नाइट क्लबमा हुनुहुन्छ जब उनको पार्टी विस्फोट भइरहेको छ। चाखलाग्दो कुरा के छ भने, कांग्रेसले आफ्नो अध्यक्षता आउटसोर्स गर्न अस्वीकार गरेलगत्तै, उनीहरूको प्रधानमन्त्री पदका उम्मेद्वारमा हिटहरु सुरु भएको छ,” उनले ट्वीट गरे।

गान्धीको अवस्थाबारे सोध्दा कांग्रेस सञ्चार विभागका प्रमुख रणदीप सुरजेवालाले उनको बचाव गरेका छन् । “मलाई थाहा भएसम्म यो देशमा परिवार हुनु, साथीहरू हुनु, विवाह, विवाह समारोहमा उपस्थित हुनु हाम्रो संस्कृति र सभ्यताको कुरा हो। यो देशमा अझै पनि बिहे गर्नु, कसैसँग साथी बन्नु वा उनीहरुको विवाह समारोहमा सहभागी हुनु अपराध बनेको छैन,’ एआईसीसीको पत्रकार सम्मेलनमा सुरजेवालाले भने ।

गान्धी सुम्निमा उदासको विवाहमा सहभागी हुन नेपाल आएका हुन् । एक निजी टेलिभिजन च्यानलकी पूर्व संवाददाता सुम्निमाका पिता भीम उदासले भनेका छन्–‘हामीले राहुल गान्धीलाई छोरीको विवाहमा उपस्थित हुनका लागि निम्ता गरेका थियौँ ।’ राहुल नक्साल स्थित मेरियट होटलमा बसेका छन् । वैशाख २२ मा बौद्ध स्थित हायात रिजेन्सी होटलमा सुम्निमाको विवाहको रिसेप्सन आयोजना गरिएको छ ।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत