नेकपा विप्लवले दरबारमार्गस्थित होटल याक एण्ड यतिमा विरोध कार्यक्रम गर्न लागेको छ । अमेरिकी सहयोग परियोजना एमसीसीको विरोध गर्दै विप्लवले याक एण्ड यतिको प्राङ्गणमा विरोध कार्यक्रमको आयोजना गरेको हो । एमसीसीको नेपाल कार्यालय होटल याक एण्ड यतिको हाताभित्र राखिएको छ ।
केही बेरअघि उक्त समूहका केहि व्यक्तिले कमलादीबाट विरोध र्याली निकालेका छन् । उनीहरुले प्रज्ञा प्रतिष्ठानको उत्तरतर्फको गेटबाट एमसीसीको विरोध गर्दै जुलुस निकालेका हुन् ।
विप्लव समूहले आज एमसीसीको काठमाडौं कार्यालयमा विरोध प्रदर्शन र घेराउको कार्यक्रम राखेको हो । कार्यक्रम पार्टी केन्द्रीय सदस्य चिरन पुन मगरको नेतृत्वमा भएको हो ।
