रुपन्देही- रुपन्देहीको सियारी गाउँपालिकाका अध्यक्ष थानेश्वर घिमिरेको निजी निवासमा प्रेसर कुकर बम फेला परेको छ ।
अध्यक्ष घिमिरेको घर रहेको सियारी ४ दयानगर छपियास्थित घरको पछाडितर्फको पर्खाल बाहिर प्रेसर कुकर फेला बम परेको जिल्ला प्रहरी कार्यालय रुपन्देहीका प्रहरी प्रवत्ता डिएसपि श्यामु अर्यालले जानकारी दिनुभयो ।
बिहान पौने १० बजेतीर घर बाहिर निस्कने बेलामा तारबार जेलिएर राखिएको अबस्थामा प्रसेस कुकुर बम देखेको र तुरुन्त प्रहरीमा खबर गरेको अध्यक्ष घिमिरेले जानकारी दिनुभयो ।
नेपाली सेनाको बम डिस्पोजल टोलीले बम डिस्पोजल गरेको छ । डिस्पोज गर्दा भित्ता, नजिकै रहेको टिनको टहरामा सामान्य क्षति पुगेको छ । बम कसले र किन राखेको बिषयमा अनुसन्धान शुरु गरिएको डिएसपि अर्यालले जानकारी दिनुभयो ।
