अमृत साइन्स क्याम्पस (अस्कल) मा एमालेनिकट अनेरास्ववियू र माओवादी केन्द्रनिकट अखिल क्रान्तिकारीका विद्यार्थीबीच झडप भएको छ ।
कुटपिटबाट क्रान्तिकारीका खेम सिंह र अनेरास्ववियूका रमेश पुलारा घाइते भएको लैनचौर प्रहरीले जनाएको छ । पुलाराको टाउकोमा ८ वटा टाका लगाइएको छ । घाइतेको वीर अस्पतालमा उपचार भइरहेको छ ।
प्रहरीले कुटपिटमा संलग्न रहेको आरोपमा अनेरास्ववियूका केन्द्रीय सदस्य कमलराज जोशीसहित ४ जनालाई पक्राउ गरेको छ । जोशी स्ववियू निर्वाचनमा अध्यक्षको उम्मेदवारसमेत थिए ।
