डोल्पा- हिमाली जिल्ला डोल्पाको दुर्गम गाउँमा असामान्य अवस्थाका बालक भेटिएका छन् । त्रिपुरासुन्दरी नगरपालिका वडा नं १ को करेलीकाँडा गाउँका यी बालक १४ वर्ष पुगे पनि उनको वृद्धि विकास भने हुन सकेको छैन ।
१४ वर्षका पारस बुढा नाम गरेका यी बालक दुधे बालक जस्तै छन् । उनको शारीरिक तथा मानसिक विकास समयानुकुल भएको छैन । कमजोर आर्थिक अवस्था र अशिक्षित परिवारमा जन्मिएका उनले उपचार पाए केही सुधार हुन्थ्य्यो कि भन्ने उनकी आमा शान्ति बुढाको आशा छ ।
अनौठो शारीरिक अवस्थाका पारसले आठ नौ दिनमा मात्र दिसा पिसाब गर्छन भने कान सुने पनि दोहोरो कुराकानी गर्न सक्दैनन् । चार छोरा, एक छोरी सहित सात जनाको परिवार रहेको बुढा परिवारले पैसाको अभावमा विरामी छोराको उपचार गर्न सकेको छैन ।
आर्थिक सहयोग पाए एक पटक उपचार गराउन अस्पताल लैजाने धोको पारसका बुवा आमाको छ ।
