Fair Educational Competitor’s Association (FECA) ले आफ्नो वार्षिक रूपमा विभिन्न प्रतियोगिता गराउँदै आएकोमा यो वर्षको क्रस कन्ट्री दौड प्रतियोगिता २०८०/०८/१६ मा सम्पन्न गरेको छ।
फेका द्वारा आयोजित यस क्रस कन्ट्री दौड प्रतियोगितामा कुल २४ विद्यालय बाट ४८ खेलाडी सहभागी भएका थिए। फेकाका सह – सचिव राजु दाहालका अनुसार यस वर्षको दौड प्रतियोगितामा छात्र तर्फ CBIA का सुबास न्यौपानेले ५ किलोमीटर दौड १२ मिनेट ४८ सेकेन्डमा पुरा गरेर प्रथम हुन सफल भएका थिए भने दोश्रो हुनेमा प्रारम्भ एकेडमीका अजय कार्की र तेश्रोमा कस्तुब एकेडमीका कुशल बर्देवा भएका छन्।
त्यस्तै छात्रा तर्फ हाईल्याण्ड इंग्लिश सेकेण्डरी स्कुलकि रचना चौलागाईंले ५ किलोमिटर दौड १५ मिनेट ५२ सेकेन्डमा पार गरी प्रथम हुन सफल भइन् भने दोश्रोमा विद्या विकास एकेडमीकी प्रतिमा श्रेष्ठ , तेश्रोमा एकलब्य शिक्षा सदनकी सपना थापा भएकी छिन् भने उक्त अवसरमा विश्व साइकल यात्री अजय मिश्र र भगत खत्रीलाई सम्मान गरिएको थियो।
दाहालका अनुसार १६ औं FECA फुटबल प्रतियोगिता यही मङसिर २१ देखि ३० गतेसम्म मुलपानी फुटबल चौरमा हुने भएको छ भने खेलमा विभिन्न विद्यालयका २४ टीम सहभागी हुनेछन। १६ औं FECA फुटबल प्रतियोगिताको फाइनल खेल ३० गते हुने सह सचिव दाहालले जानकारी दिएका हुन्।
कान्तिपथ संवाददाता सुसिल चौलागाईं
