नेपाली सेनाले २८० जना अधिकृत क्याडेट माग गर्दै आवेदन आह्वान गरेको छ ।
शुक्रबार गोरखापत्रमा सूचना प्रकाशित गर्दै नेपाली सेनाले ती पदहरूमा योग्यता पुगेका इच्छुक नेपाली नागरिकबाट आवेदन मागेको हो । भर्ना छनौट निर्देशनालयले आज एक सूचना जारी गर्दै योग्यता पुगेका नेपाली नागरिकले नेपाली सेनाको आधिकारिक वेबसाईट www.nepalarmy.mil.np बाट अनलाइन दरखास्त फाराम भर्न सक्ने जनाएको छ ।
सेनाले भदौ ७ देखि असोज ५ सम्म आवेदन दिइसक्न भनेको छ । तर, दोब्बर दस्तुर तिरेर भने असोज ६ देखि असोज १२ सम्म दिन सकिने सूचनामा उल्लेख छ ।
सेनाले आवेदन दिन चाहनेले नेपाली सेनाको आधिकारिक वेबसाइटबाट अनलाइन दरखास्त फारम भरी त्यसको प्रिन्ट लिएर स्वयं उपस्थित भइ तोकिएको केन्द्रबाट दरखास्त दिन सकिने जनाएको छ ।
