काठमाडौँ । काठमाडौं महानगरपालिका-३२ जडिबुटीस्थित निरज दरबार होटलबाट जुवातास खेलिरहेको अवस्थामा होटेलका संचालक दोलखा जिरी नगरपालिका-५ घर भई हाल काठमाडौं काँडाघारी बस्ने ४९ वर्षीय अमृत बहादुर कार्कीसहित ७ जनालाई सोमबार राति प्रहरीले पक्राउ गरेको छ ।
प्रहरी प्रभाग कोटेश्वरबाट खटिएको टाेलीले होटल निरज दरबारमा जुवातास खेलीरहेको भन्ने विशेष सुचनाको आधारमा उक्त होटलको ४०३ नम्बर कोठा भित्र जुवातास खेलिरहेका ७ जनालाई पक्राउ गरेको हाे ।
पक्राउ पर्नेमा जिल्ला दोलखा जिरी नगरपालिका वडा नम्बर ५ का वर्ष ४९ को अमृत बहादुर कार्की, सिन्धुपाल्चोक बलेफी गाउँपालिका वडा नम्बर ५ का वर्ष ३० को सुजन ठकुरी, रामेछाप मन्थली नगरपालिका वडा नम्बर ३ का वर्ष २७ को बिकेश रोका, वर्ष ४० को पदम बहादुर खत्री, मन्थली नगरपालिका वडा नम्बर ११ का वर्ष २४ को आर्यन थापा मगर, जिल्ला सिन्धुपाल्चोक चौतारा सागाचोकगडी नगरपालिका वडा नम्बर १० का वर्ष २७ को सागर सापकोटा र जिल्ला नुवाकोट तादी गाउँपालिका वडा नम्बर ०२ का वर्ष ३२ को लिला बहादुर दाहाल रहेका छन् ।
प्रहरीले उनीहरूकाे साथबाट नगद एक लाख उनाईस हजार ४ सय पैसठी रुपैयाँ र ३ बुक ताससहित पक्राउ गरेको हो ।
यस सम्बन्धमा प्रहरीले आवश्यक अनुसन्धान लागि प्रहरी वृत्त नयाँ बानेश्वरमा पठाएको जनाएको छ ।
