काठमाडौँ । ललितपुर जिल्ला अदालतभित्र मोबाइल चोरेको आरोपमा प्रहरीले एक जनालाई पक्राउ गरेकाे छ ।
पक्राउ पर्नेमा काठमाडौँको कागेश्वरी मनोहरा नगरपालिका घर भएका ४६ वर्षीय किसन खत्री छन् ।
खत्रीलाई सिसिटिभी फुटेको आधारमा प्रहरीले पक्राउ गरेकाे हाे ।
खत्रीले यसअघि सेवाग्राहीको दुईवटा मोबाइल चोरेको आशंका छ ।
सेवाग्राही र कानुनी व्यवसायीसँग कुरा गर्दै भिडको मौका छोपेर उनले मोबाइल चोर्ने गरेको सिसिटिभी फुटेजको दृश्यबाट आकलन गरिएको छ ।
