काठमाडौँ । मस्कोमा भएको विस्फोटमा रुसी जनरलसहित दुई जनाको मृत्यु भएको छ ।
रुसको राजधानी मस्कोमा भएको बम विष्फोटमा रुसी सेनाका एक जनरल रैंकका सैनिक अधिकृतको मृत्यु भएको मिडिया रिपोर्टमा उल्लेख गरिएको छ ।
रसियाको अनुसन्धान समितिले विस्फोटमा मारिएका सैन्य अधिकारी लेफ्टिनेन्ट जनरल इगोर किरिलोभ न्यूक्लियर बायोलोजिकल केमिकल डिफेन्स फोर्समा तैनाथ रहेको बताएको छ ।
स्कुटरमा लुकाइएको यन्त्र विस्फोट हुँदा यो घटना भएको उल्लेख छ । यस घटनामा किरिलोभका एक सहायकको पनि मृत्यु भएको अनुसन्धान समितिले जनाएको छ ।
अक्टोबरमा बेलायतले युक्रेनविरुद्धको युद्धमा रासायनिक हतियारको प्रयोगलाई बेवास्ता गरेको भन्दै किरिलोभमाथि प्रतिबन्ध लगाएको थियो।
