अछाम । जिल्ला अछाममा शुक्रबारदेखि बेपत्ता रहेका दुई किशोरी जंगलमा मृत भेटिएका छन् ।
ढकारी गाउँपालिका–८ का कमल खड्काकी छोरी ईश्वरी खड्का र सोही ठाउँका उदय खड्काकी छोरी सरस्वती खड्का शनिबार बेलुकी मृत फेला परेका हुन् ।
१४-१४ वर्षका उनीहरु नातामा फुपू–भदैनी रहेका आफन्तले बताएका छन् ।
उनीहरु दुवै जना वडा नम्बर १ को जंगल क्षेत्रमा शनिबार बेलुका मृत फेला परेका जिल्ला प्रहरी कार्यालय अछामका सूचना अधिकारी प्रहरी निरीक्षक टेकबहादुर देउवाले जानकारी दिए । ईश्वरी र सरस्वती शुक्रबार बिहान खाना खाएर गाईबाख्रा चराउन जंगल गएका थिए ।
