अमेरिकी चर्चित प्रविधि कम्पनी ‘Astronomer’ का CEO एन्डी ब्रायनले आफ्नो निजी जीवनको एक अन्तरंग क्षण सार्वजनिक रूपमा फैलिएपछि सार्वजनिक माफी मागेका छन्। एक सांगीतिक कार्यक्रमको दौरान स्टेडियमको विशाल स्क्रिन (JUMBOTRON) मा ब्रायन र उनकी HR निर्देशकबीचको नजिकको सम्बन्ध देखिएपछि यो घटना सामाजिक सञ्जालमा छिट्टै भाइरल भयो।
कार्यक्रमको दौरानमा स्टेडियमको क्यामेराले ब्रायन र उनकी HR निर्देशकबीचको अङ्कमाल र चुम्बनको निजी दृश्य कैद गर्यो, जुन हजारौं दर्शकहरूले स्क्रिनमा देखे। त्यस लगत्तै यस दृश्यले सामाजिक सञ्जालमा तीव्र प्रतिक्रिया जन्मायो।
घटनापछि ब्रायनले एक वक्तव्य जारी गरेर आफ्नो व्यवहारको लागि माफी मागे। उनले भने, ‘म त्यो क्षणलाई स्वीकार गर्छु जुन अहिले अनलाइनमा फैलिएको छ र यसले ल्याएको निराशा प्रति क्षमा चाहन्छु। मेरो व्यक्तिगत गल्ती सार्वजनिक भएकोमा म आफ्नी पत्नी, परिवार र Astronomer टिमसँग माफी माग्न चाहन्छु।’
उनले थप भने, ‘म आफ्नो नेतृत्व र व्यक्तिगत आचरणको पुनर्मूल्यांकन गर्दैछु। यो घटनाले मलाई गम्भीर रूपमा सोच्न बाध्य बनाएको छ।’
सामाजिक संजाल र समाचार माध्याममा भिडियो भाइरल भएपछि ब्रायन र उनकी HR निर्देशक दुवै परिवारमा श्रीमान-श्रीमती बिचको डिभोर्सको चर्चा सुरु समेत भएको छ।
Astronomer डेटा प्रविधिको क्षेत्रमा प्रख्यात कम्पनी हो, तर यो घटनाले ब्रायनको नेतृत्व र कम्पनीको प्रतिष्ठामा असर पार्न सक्छ। कम्पनीले अहिलेसम्म आधिकारिक प्रतिक्रिया दिएको छैन तर आन्तरिक तहमा यसले छलफल सुरु गराएको छ।
सामाजिक सञ्जालमा यस घटनाप्रति मिश्रित प्रतिक्रिया देखिएको छ। केहीले ब्रायनको माफीलाई ईमानदार भने भने अरूले उनको नैतिकता र कार्यस्थल सम्बन्धमा प्रश्न उठाएका छन्।
यस घटनाले पुनः निजी जीवन र सार्वजनिक प्रतिष्ठाको सन्तुलनबारे बहस सुरु गराएको छ।एन्डी बायरोनले डेटा कम्पनी Astronomer को प्रमुख कार्यकारी अधिकृत (CEO) पदबाट राजीनामा दिएका छन्। कम्पनीले शुक्रबार एक विज्ञप्ति जारी गर्दै यो जानकारी दिएको हो। उनको राजीनामा कम्पनीको आन्तरिक अनुसन्धानपछि आएको हो, जुन कम्पनीका बोर्ड अफ डाइरेक्टर्सले सुरु गरेका थिए। अनुसन्धानको विषयवस्तु र विवरण भने सार्वजनिक गरिएको छैन।
बायरोनले २०२१ मा कम्पनीको नेतृत्व सम्हालेका थिए। Astronomer कम्पनी प्रमुख रूपमा Apache Airflow भन्ने डेटा पाइपलाइन टुलसँग सम्बन्धित सेवा दिन्छ।
